7th Big Icon 5th Audition
09 Feb 2017

सातौं विग आइकनमा आजदेखि ‘गितानो’ राउण्ड सुरु

माघ २९ गते-
सातौं बिग आईकनको छैठौं चरण अन्तर्गत आजदेखि ‘गितानो’ राउण्ड सुरु हुँदैछ । छैठौं चरणको अडिसनमा कुल ३० जना प्रतियोगी यसअघिका विभिन्न चरण पार गर्दै आइपुगेका छन् ।

आजदेखि प्रतियोगीहरुले गितार र पियानोमा गीत गाउनुपर्ने आयोजक संस्था विग एफएमका अध्यक्ष महेश भण्डारीले जानकारी दिए ।

प्रतिष्पर्धीले आफूले चाहेको गीतमा संगीतको सुरमा गाउनुपर्नेछ । यसअघि प्रतियोगीहरुले संगीत विना आफ्नो आवाज मात्रै प्रस्तुत गर्दै आएका थिए । आज पाँच जना बाहिरिने र टप २५ छनौट हुनेछन् ।

यो सिजनमा कुल ५४ जिल्लाका ११ सय ५२ जना प्रतियोगी बिग आईकन बन्ने लक्ष्यका साथ प्रतिष्पर्धामा उत्रिएकोमा पाँचौ राउण्ड सकिँदा ३० जना मात्रै बाँकी छन् । यसअघि पाँचौ चरणको अडिसनमा ३९ जना प्रतियोगीहरु छनौट भएकोमा बिहीबार नौ जना बाहिरिएका थिए ।

यो सिजनको बिग आइकनमा गायक श्यामसुङ तामाङ, विवेक श्रेष्ठ र संगीतकार सुनील थापा निर्णायक रहेका छन् । बिग आइकन बन्नेले पुरस्कार स्वरुप १ लाख ८५ हजार रुपैयाँ बराबरको स्कुटरसहित बेलायतको साँगीतिक भ्रमण गर्ने अवसर प्राप्त गर्ने एफएमले जनाएको छ ।

त्यस्तै फस्ट रनरअपले ७५ हजार र सेकेन्ड रनरअपले ५० हजार रुपैयाँ प्राप्त गर्नेछन् ।

Photo:- Nishad Shrestha (Jukson.com)

Gallery

Write a Comment