दमौलीमा आफ्नै श्रीमती मार्न पैसा दिने श्रीमान प्रकाउ
25-May-2018

जक्सन डटकम
जेष्ठ ११, पोखरा

किरण श्रेष्ठ, 
तनहुँको सदरमुकाम दमौली बजार नजिक ब्यास नगरपालिका वडा नं। ४ बस्ने बर्ष ४४ की जुलेखा मिया र उनको नाबालिका छोरी घरमा नै बसिरहेको अबस्थामा दुइ अज्ञात युवाले आक्रमण गरेका छन् ।
उक्त घटनाको जानकारी पाए लगतै जिल्ला प्रहरी कार्यालय तनहुँबाट प्रहरी परिचालन गरी उक्त अज्ञात आक्रमणकारिहरुलाई खोजतलास गर्दा घटनामा संलग्न रही फरार रहेका रुकुम भुमी गाउँपालिका वडा नं।१ स्थायी घर भएर हाल काठमाण्डौ थानकोट बस्ने बर्ष १७ को उज्जल सुनारलाई अमरापुरी दमौलीबाट र ब्यास नगरपालिका वडा नं। ४ स्थायी घर भएर हाल काठमाण्डौ थानकोट बस्ने बर्ष २१ को सुदिप अधिकारीलाई तालघरेबाट धारिलो हतियार दाउ सहित पक्राउ गरेको जिल्ला प्रहरी कार्यालय तनहुँले जनाएको छ ।
उक्त घटना अरु कसैले नभई आफ्नै श्रीमानले गर्न लगाएको जुलेखालाई पछी थाहा भयो । उक्त घटना सम्बन्धमा बुझ्ने क्रममा जुलेखा मियाको श्रीमान पाकिस्तानी नागरिक बर्ष ६९ का अमानतुल्ल खानसंग बिबाह भएपछी उनले जुलेखालाई पाकिस्तान जानु पर्छ नगए जे पनि गर्न सक्छु भनि धम्काउदै आएका थिए ।
आक्रमणकारी लाई जुलेखाको श्रीमान पाकिस्तानी नागरिक खानले नगद २० हजार दिई जुलेखालाई धारिलो हतियार हान्नको लागि पठाएको र काम सम्मन्न भएपछी थप रकम दिन्छु भनि भनेको भन्ने पक्राउमा परेका ब्यक्तिहरुको प्रारम्भिक बयानबाट खुल्न आएको छ ।
गत बुधबार दिउसो १ बजे ब्यास नगरपालिका वडा नं। ४ बस्ने बर्ष ४४ की जुलेखा मिया र निजको नाबालिका छोरी घरमा नै बसिरहेको अबस्थामा अज्ञात दुई जना ब्यक्तिहरुले धारिलो हतियार दाउ हातमा लिएर घर भित्र पसी आक्रमण गरेका थिए । उक्त समयमा जुलेखाले हार गुहार गरेपछी उनिहरु भागेकाले ज्यान बाच्न सफल भएको जुलेखाले बताइन । उनिहरु बिरुद्द पिडित जुलेखा मियाबाट ज्यान मार्ने उद्योम मुद्दामा किटानी जाहेरी दरखास्त लिई जिल्ला अदालत तनहुँ बाट म्याद थप अनुमति लिएर थप अनुसन्धान भैरहेको जिल्ला प्रहरी कार्यालय तनहुले जनाएको छ ।

Write a Comment