कर्मचारीको उमेरहद ६० वर्ष पुर्‍याउने तयारी
19-February-2016

८ फागुृन, काठमाडौं । निजामती कर्मचारीको उमेरहद ६० वर्र्ष पुर्‍याउने गृहकार्य भएको छ । सामान्य प्रशासन मन्त्रालयले निजामती सेवा ऐनमा पाँचौ संशोधन मार्फत ५८ वर्षको उमेर हदलाई बढाउने तयारी थालको हो ।

निजामती ऐनमा समसामयिक सुधार र संशोधनको लागि सहसचिव नारायण भट्टराईको संयोजकत्वमा गठित सात सदस्यीय उच्चस्तरीय कार्यदलले निजामती कर्मचारीको सेवानिबृत्त हुने उमेर ५८ बाट ६० वर्ष पुराउन सरकारलाई सिफारिस गरेको आजको नयाँ पत्रिका दैनिकमा समाचार छ ।

सामान्य प्रशासनमन्त्री रेखा शर्माले कर्मचारीको उमेरहद ६० वर्ष पुर्‍याउने विषयमा छलफल थालिएको जानकारी दिइन् ।

उनले भनिन् , ‘उमेरहद बढाउदा राज्यलाई के-कस्तो फाइदा घाटा हुन्छ, त्यसको उपुक्त विश्लेषण गरी आवश्यक निर्णय लिइनेछ । ‘ केही उच्च प्रशासक तथा कर्मचारी ६० वर्ष भन्दा बढी उमेरहद राख्नुपर्ने लविङ्मा छन् ।

Write a Comment

Events
Random Picks