तारा देवी र अरुणा लामाका गीतहरुले पोखराको आकाश ढाकियो
6-July-2019

जक्सन डटकम 
पोखरा, असार २१ 

दिवंगत गायिकाद्वय स्वर किन्नरी तारादेवी र स्वर साम्राज्ञी अरुणा लामामा समर्पण गरिएको सांगीतिक कार्यक्रमले यति वेला पोखराको आकाशलाई ढपक्कै ढाकेको छ । पोखरेली सुगम संगीतमा समर्पीत गायिकाहरुले तेश्रो संस्करणका रुपमा आयोजना गरेको “रारा टेस्ट अफ हार्मोनी : धुनहरुमा तारादेवी र अरुणा लामा” कार्यक्रममा गाएका गीतहरुले अहिले पोखराको सांगीतिक आकाश ढकमक्क ढाकेको हो । 

स्वर साम्राज्ञी अरुणा लामाको “नेपाली गौरव गर्छौ आफ्नै पनमा.....”गाएको गीतलाई १२ जना पोखरेली गायीकाहरुको सामुहिक स्वरले पोखरालाई गुञ्जायमान वनाउदै सुरु भएको कार्यक्रम करिब तीन घण्टा सम्म निरन्तर अरुणा लामा र तारादेवीका गीतहरुमा पोखरेली सांगीतीक मनहरु रमेका थिए । 

पोखेली सुगम संगीत गायिकाहरुको संस्था “हार्मोनी : द मोर्डन सङ्गस्ट्रेसेस अफ पोखरा” ले आयोजना गरेको सो सांगीतिक कार्यक्रममा ३ जना कलाकारहरुलाई सम्मान पनि गरेको छ । दार्जलिङ्की गायिका दावा ग्याल्मो,  पोखरेली गायक कर्ण दासकी आमा तथा नृत्याङ्गाना रत्न दाशलाई हार्मोनी सम्मानवाट सम्मान र उदयमान गायिका जोनिशा पौडेललाई युवा प्रतिभा सम्मान गरिएको थियो । 

गण्डकी प्रदेश सरकारका आर्थिक मामिला तथा योजना मन्त्री किरण गुरुङले समृद्ध नेपाल निर्माण गर्ने सबै भन्दा ठूलो पहिचान भनेको साँगीतिक क्षेत्र भएको बताएका छन् ।अर्थमन्त्री गुरुङले जबसम्म साँगीतिक क्षेत्र, कलासाहित्यको क्षेत्र, भाषा सँस्कृतिको क्षेत्रलाई अगाडी बढाउनु सक्दैनौ हाम्रो जिवन पूर्ण नहुने बताए । उनले भने —“मान्छेको जिवन दुखको बिनाको जिवन हुदैन । सुखैसुखको जिवन हुदैन । हाम्रो जिवनलाई सार्थक बनाउने यहि सँगीत क्षेत्र नै हो ।”

“हार्मोनी : द मोर्डन सङ्गस्टे«सेस अफ पोखरा” ले आयोजना गरेको कार्यक्रममा प्रमुख अतिथीको रुपमा प्रस्तुत भएका अर्थमन्त्री गुरुङले साँगीतिक क्षेत्रको विकासमा हार्मोनीले गरेका यस्ता कार्यक्रम पोखरामा मात्र नभई नेपालमै उदाहरणीय रहेको भन्दै प्रंशसा गरे । साँगीतिक क्षेत्र बिना जनावर र मान्छेमा फरक नहुने बताउँदै अर्थमन्त्री गुरुङले हाम्रो देशको मौलिक कलासँगै गीतसँगीतको विकासमा लाग्न सबै श्रष्टालाई अनुरोध गरे ।

“हामी प्राकृतिक हिसाबले मात्र होइन । भूगोल जातजातीका हिसाबले मात्र होइन । सँस्कृति, कला, साहित्य र सँगीतका माध्यम शान्तिको प्रवद्र्धन गर्ने हिसाबले पनि हामी धनि छौ” - उनले भने । गण्डकी प्रदेश सरकार पनि हाम्रा मौलिक संस्कृतिको पहिचान गरि त्यसको संरक्षण गर्ने गृहकार्यमा लागि परिरहेको उनले बताए ।

यस्ता कार्यक्रम गरि पोखराका साँगीतिक क्षेत्रमात्र नभई समग्र नेपालको साँगीतिक क्षेत्रमा टेवा पुग्ने हेतुले प्रदेश सरकारले निजी क्षेत्र सँग आवश्यक समन्वय गरेर अगाडी बढ्न चाहेको उनको भनाई थियो ।

सम्मान लगत्तै उमेरले ८० पुग्न आटेकी दार्जलिङ्की गायिका दावा ग्याल्मोले ४० वर्ष अगाडी लाहुरेनी हुदै हङकङ् पुगेको समयमा रेकर्ड गरिएको गीत “मेरो यो सानो संसारलाई ठुलो वनाउन चाहन्न .........” गाएपछि कार्यक्रम सांगीतक माहोलमा रमेको थियो ।

उनले सम्मानले आफ्नो जवानी सम्झाएको भन्दै अव एक वर्षभित्र एल्बम निकाल्ने पनि प्रतिबद्धता जनाईन् । उनले भनिन–“उमेर सँग सँगै स्वरमा केहि उतरचढाव हुन सक्छ तर आट र जोशमा कुनै कम हुदैन, यो सम्मानको सम्मान गर्दै अब चाढै नै एउटा एल्वम निकाल्छु ।”

आयोजक संस्थाका अध्यक्ष ईतु जोजिजुले महिला सुगम संगीत गायकहरुको उत्थान र प्रबद्र्धनमा समर्पीत सस्था भएकाले सबैको सहयोगले गर्दा यति कार्यक्रम पनि सहज रुपमा आयोजना गर्न सकेको जानकारी दिईन् । उनले भनिन्–“हामीले महिला गायकहरुको संरक्षण र प्रवद्र्धन गर्न यो कार्यक्रम गर्न लागेका र सवैको सकारात्मक सहयोगले गर्दा हामीलाई यस्ता खालका कार्यक्रम गर्न हौसला मिलेको छ ।”

यस्तै कार्यक्रममा उपाध्यक्ष कौशल्या गुरुङले यो कार्यक्रम दिवंगत गायिकाद्वय स्वर किन्नरी तारादेवी र स्वर साम्राज्ञी अरुणा लामालाई ‘ट्रिब्युट’ गरेको पनि जानकारी दिइन् । उनले भनिन्–“साँगीतिक कार्यक्रममा हामीले दुई दर्जन भन्दा वढी अरुणा लामा र तारादेवीका चर्चित कालजयी गीतहरु प्रस्तुत ग¥यौं ।” 

कार्यक्रमलाई उत्कृष्ठ र प्रभावकारी वनाउन जक्सन ग्रुप प्रा.लीका प्रवन्ध निर्देशक अरुण गिरीले सम्पुर्ण व्यवस्थापकीय र प्राविधिक पक्षमा व्यवस्थापकको भूमिका निर्वाह गरेका थिए । 


साँगीतिक कार्यक्रममा संस्थामा रहेका सम्पूर्ण गायिकाहरुले आ–आफ्नो प्रस्तुती राखेका थिए । ईतु जोजिजु, कौशल्या गुरुङ, शितल थापा, मितु पाल सिंह, अजुदा थापा, बबी सुनार, इनिशा दुरा, प्राप्ति तुलाचन, रजनी रिदम राई, ममता गुरुङ, लक्ष्मी गिरी, स्नेहा गुरुङ, सबिना सुनाम, रुमा तुप्रिहाङ थापा, एलिना गुरुङ लगाएतका गायिकाहरुले कार्यक्रममा प्रस्तुती दिने  छन् । त्यस्तै सहयोगी कलाकारहरुको रुपमा रामभक्त जोजिजु, बिनोद बानियाँ र ज्ञान थापाको पनि विशेष प्रस्तुती रहेको थियो । 

हार्मोनीले सुगम संगीतका क्षेत्रमा रुची भएका तर अवसर र बिभिन्न परिस्थितीवाट आफ्नो कला प्रस्तुत गर्न नपाएका महिला गायीकाहरुलाई पनि प्रोत्साहन र स्टेज प्रदान गर्दै आएको छ । आज भएको कार्यक्रममा पनि पहिलो पटक गृहिणी रुमा तुम्रिहाङ्ग राईले आफ्नो प्रस्तुती दिईन् ।

उनले भनिन् –“विवाह गरे पछि आफ्नो रुचिलाई गुम्साउन वाध्य भए पनि हार्मोनीको प्रेरणाले आज जिवनमै पहिलो पटक यती धेरै मान्छेको अगाडी गाउन पाए ।” उनले अझ अगाडी थपिन–“मेरो घरमा त मैले गीत गाउँछु भन्ने थाहा पनि छैन ।” उनले अब गायनलाई पनि निरन्तरता दिने  पनि उनको भनाई थियो ।

यसअगाडि ‘लेजेन्डरी हार्माेनियस इभिनिङ’ र ‘टेस्ट अफ हार्मोनी’ नाममा संस्थाले कार्यक्रम सफल बनाईसकेको छ । यो तेश्रो कार्यक्रमलाई सफल बनाउन पोखराकै रारा चाउचाउले कार्यक्रमको टाईटल स्पोन्चर गरेको छ भने पोखराकै दि मुग्लान रेष्टुरेण्ट एण्ड वारले कार्यक्रमलाई  प्रस्तुतकर्ताको रुपमा सहयोग गरेको छ ।  

कार्यक्रमलाई सफल बनाउन हिमाअस एजुकेशन कन्सल्टेन्सी, साँस्कृतिक संस्थान नेपाल, एन आई सि एशिया बैक, एक्सिस एजुकेशन पोखरा, माउण्ट कैलाश रिर्सोट, लेकसाईड र प्रतिक अफसेट प्रेस,  एस के साउण्ड एण्ड लाईट, परिचय एड्र्भटाईजिङ् , पोखरा टेलिभिजन, समाधान राष्ट्रिय दैनिक , रेडियो जननी, जक्सन डटकम, ताण्डव न्यूज, टास्क र होटल गुडविल पोखरा,  व्यञ्जन रेष्टुरेण्ट लेकसाईड, स्याभी वुटिक,  पोखरा महानगर पालिका र नेपाल पर्यटन बोर्डको विशेष सहयोग रहेको थियो । कार्यक्रमलाई रेडियो जननीको स्टेशन म्यानेर बिमला भण्डारी र मन कुमार श्रेष्ठले सञ्चालन गरेका थिए । 

सुगम संगीतका क्षेत्रमा जिवन अर्पन गरेका महिलाहरुसँग सहकार्य गर्दै सुगम संगीतको यात्रा र क्षेत्रलाई लामो र फराकिलो वनाउनले लक्ष्यका साथ २०७३ सालमा “हार्मोनी : द मोर्डन सङ्गस्ट्रेसेस अफ पोखरा” नामक संस्था स्थापना भएको हो ।

तस्बिर : जक्सन डटकम

Write a Comment

Events