पोखराको होटलमा युक्रेनी नागरिक मृत भेटिए
16-March-2018

जक्सन डट कम 
चैत्र २, पोखरा ।

पोखरामा एक विदेशी नागरिक मृत अवस्थामा फेला परेका छन् ।

लेकसाइडस्थित हृवाइट पल होटलमा युक्रेनी नागरिक २८ वर्षीय एन्टोन कुजानेठोप मृत भेटिएका कास्कीका प्रहरी प्रवक्ता प्रहरी नायव उपरीक्षक खड्कबहादुर खत्रीले जानकारी दिए ।

केही दिनदेखि हृवाइट पलमा बस्दै आएका उनी होटलको ध्यान गर्ने ठाउँ बालकोनीमा लडेको अवस्थामा मृत भेटिएको वडा प्रहरी कार्यालय बैदामका प्रमुख प्रहरी नायव उपरीक्षक (डिएसपी) नवीन कार्कीले जानकारी दिए । उनका अनुसार एन्टोनको शरीरमा बाहिरबाट कुनै पनि चोटपटक देखिएको छैन ।

एन्टोन मृत अवस्थामा भेटिएपछि होटल सञ्चालकले प्रहरीलाई खबर गरेका थिए । प्रहरीले मुचुल्का तयार गरेर शवलाई पोष्टमार्टमका लागि पोखरा स्वास्थ्य विज्ञान प्रतिष्ठानमा राखेको छ ।

मृतक एन्टोनको आफन्त हालसम्म सम्पर्कमा नआएको र आफन्तको खोजी भइरहेको प्रहरीले जनाएको छ ।

Write a Comment

Events
Random Picks