नौ महिनामा ३० बैंकले साढे २० अर्ब कमाए
2-June-2015

धेरै कमाउने राष्ट्रिय वाणिज्य बैंक, ग्राण्ड बैंक घाटामा

 

 

१९ जेठ, काठमाडौं । चालू आर्थिक वर्षको तेस्रो त्रैमास अर्थात चैत मसान्तसम्म ३० वटा वाणिज्य बैंकहरुले २० अर्ब ४५ करोड रुपैयाँ खुद नाफा कमाएका छन् ।

नौ महिना अघि अर्थात् २०७१ असार मसान्तमा बैंकहरुले १८ अर्ब ५७ करोड २१ लाख रुपैयाँ खुद नाफा कमाएका थिए । त्यसैगरी, असोजमा ४ अर्ब ३१ करोड रुपैयाँ र पुस मसान्तमा १० अर्ब ९४ करोड ५३ लाख रुपैयाँ नाफा कमाएका थिए ।
ra-ba-bank1
सबैभन्दा बढी नाफा राष्ट्रिय वाणिज्य बैंकले कमाएको छ । यो बैंकले ४ अर्ब ६१ करोड रुपैयाँ नाफा कमाएको छ । यो बैंकले इन्भेष्टमेन्ट बैंकमा रहेको ३ अर्ब रुपैयाँको सेयर बिक्री गरेपछि बढी नाफा कमाएको हो ।

धेरै नाफा कमाउने बैंकहरुको सूचीमा दोस्रो स्थानमा नबिल बैंक छ । यो बैंकले ९ महिनामा १ अर्ब ६१ करोड ९७ लाख रुपैयाँ नाफा कमाएको छ ।

धेरै नाफा कमाउने बैंकहरुको सूचीमा तेस्रो स्थानमा नेपाल इन्भेष्टमेन्ट बैंक छ । यो बैंकले ९ महिनामा १ अर्ब ५२ करोड ७९ लाख रुपैयाँ नाफा कमाएको छ ।

त्यसैगरी, १ अर्ब १९ करोड ३८ लाख रुपैयाँ नाफा कमाउँदै एभरेष्ट बैंक धेरै नाफा कमाउने बैंकहरुको सूचीमा चौथो स्थानमा परेको छ । १ अर्ब १ करोड १३ लाख रुपैयाँ नाफा कमाएर सरकारी स्वामित्वको कृषि विकास बैंक धेरै नाफा कमाउने बैंकहरुको सूचीमा पाँचौं स्थानमा छ ।
त्यसैगरी ९५ करोड ७५ लाख रुपैयाँ कमाएर स्टान्डर्ड चार्टर्ड छैठौं स्थानमा परेको छ भने ९० करोड १५ लाख रुपैयाँ कमाएर हिमालयन बैंक सातौं स्थानमा छ ।

त्यस्तै ८२ करोड ७९ लाख रुपैयाँ कमाएर नेपाल एसबीआई बैंक आठौं स्थानमा परेको छ । ८० करोड ९६ लाख रुपैयाँ कमाएर ग्लोबल आइएमई बैंक नवौं स्थानमा परेको छ भने ६९ करोड ४४ लाख रुपैयाँ कमाएर प्रभू बैंक धेरै नाफा कमाउने बैंकहरुको सूचीमा दशौं स्थानमा परेको छ ।

ग्राण्ड बैंक घाटामा

यस अवधिमा ग्राण्ड बैंक भने ५ करोड ५७ लाख रुपैयाँ घाटामा छ । सञ्चालनमा रहेका ३० वाणिज्य बैंकहरुमध्ये चैत मसान्तमा घाटामा गएको बैंक ग्राण्ड मात्रै हो ।

वाणिज्य बैंकहरुमध्ये सबैभन्दा कम नाफा कमाउने बैंकको सूचीमा जनता बैंक परेको छ ।

कुन बैंकको नाफा कति ?

नौ महिनामा जनताले १३ करोड ४६ लाख रुपैयाँ खुद नाफा कमाएको छ । त्यस्तै, सेञ्चुरीले १६ करोड ३० लाख र सिभिल बैंकले १९ करोड रुपैयाँ खुद नाफा कमाएका छन् ।

त्यसैगरी, एनआइसी एसिया बैंकले ५७ करोड ४७ लाख, प्राइम बैंकले ५५ करोड ३४ लाख र सिद्धार्थ बैंकले ५४ करोड ५८ लाख रुपैयाँ नाफा कमाएका छन् ।

एनबी बैंकले ५१ करोड ३० लाख, बैंक अफ काठमाण्डूले ४८ करोड ४ लाख, सिटिजन बैंकले ४५ करोड ७८ लाख र माछापुच्छ्रेले ४४ करोड ४ लाख रुपैयाँ खुद नाफा कमाएका छन् ।

त्यस्तै, सानिमा बैंकले ४२ करोड, एनएमबी बैंकले ४० करोड, नेपाल बैंकले ३६ करोड, एनसीसीले ३३ करोड १९ लाख र सनराइजले ३३ करोड ७२ लाख रुपैयाँ नाफा कमाएका छन् ।

मेगा बैंकले २६ करोड ७० लाख रुपैयाँ, कुमारी बैंकले २५ करोड रुपैयाँ, लुम्बिनी बैंकले २४ करोड ६७ लाख रुपैयाँ र लक्ष्मी बैंकले २४ करोड रुपैयाँ खुद नाफा कमाएका छन् ।

बैंक खुद नाफा ०७१ चैत मसान्त (रू.हजारमा)
राष्ट्रिय वाणिज्य बैंक ४०६१३१८
नबिल १६१९७७५
इन्भेष्टमेन्ट १५२७९२२
एभरेष्ट ११९३८८५
कृषि विकास बैंक १०११३८७
स्टान्डर्ड चार्टर्ड ९५७५८२
हिमालयन ९०१५१६
एसबिअर्इ ८२७९४५
ग्लोबल ८०९६४४
प्रभू बैंक ६९४४४८
एनअइसी एसिया ५७४७६०
प्राइम ५५३४४२
सिद्दार्थ बैंक ५४५८६७
एनबी ५१३०८१
बीअके ४८०४२१
सिटिजन ४५७८८३
माछापुच्छ्रे ४४०१८७
सानिमा ४२३२१०
एनएमबी ४००५०४
नेपाल बैंक ३६०६५८
एनसीसी ३३१९९३
सनराइज ३३७२३९
मेगा २६७०७७
कुमारी २५१३४७
लुम्बीनी २४६७८२
सिभिल १९०५४७
सेञ्चुरी १६३०८८
जनता १३४६४१
लक्ष्मी २४००३३
ग्रान्ड (५९७६८)
कूल  २०४५८४१४

“नौ महिनामा ३० बैंकले साढे २० अर्ब कमाए (सूचीसहित)” मा प्राप्त १ प्रतिकृया

 

source:http://www.onlinekhabar.com/2015/06/283852/

Write a Comment