वडा नं. ८ मा एमाले उम्मेदवारको विजयी
17-May-2017


उमा आलेमगर
पोखरा, ०४ जेठ


पोखरा लेखनाथ महानगरपालिका वडा नम्बर ८ मा काँग्रेसलाई पछि पार्दै एमाले उम्मेदवार बिजयी भएका छन् । वडाध्यक्षमा एमालेका रुद्रनाथ बरालले काँग्रेसका उम्मेदवार शारदा गिरीलाई १ सय ४० मतान्तरले पराजीत गरे । बरालको १ हजार ८ सय ३ मत आउँदा गिरीको १ हजार ६ सय ६३ मत आयो । खुला सदस्यमा काँग्रेसका कृष्णमान ठूसाजु र पुष्पराज सिग्देल, महिला सदस्यमा एमालेकी किरण गौतम, दलित महिला सदस्यमा एमालेकै लक्ष्मी कौशल बिजयी भए ।

महानगर प्रमुखमा पनि एमाले अगाडी छ । एमाले उम्मेदवार मान बहादुर जिसीले १ हजार ८ सय ४० मत ल्याउँदा काँग्रेस उम्मेदवार रामजी कुवँरले १ हजार ६ सय ३८ मत पाए । उनीहरु बीचको फरक २ सय २ मत छ । उपप्रमुखमा पनि एमाले उम्मेदवार मञ्जुदेवी गुरुङ अगाडी छिन् ।

मञ्जुले १ हजार ८ सय १ मत पाईन् भने काँग्रेस उम्मेदवार सरस्वति गुरुङले १ हजार ५ सय ७२ मत पाईन् ।

Write a Comment

Events
Random Picks