पोखरा लेखनाथमा वडा नं. ११ मा काँग्रेसको अग्रता
18-May-2017


उमा आलेमगर
पोखरा, ०५ जेठ


पोखरा लेखनाथ महानगरपालिका वडा नम्बर ११ को मतगणना अन्तिम चरणमा छ । ३ हजार २ सय ६७ मत गणना सक्दा हालसम्म नेपाली काँग्रेसको प्यानल नै अग्रता लिएको छ । काँग्रेसका उम्मेदवार मोहन प्रसाद बास्तोलाले २ सय ८९ मतले विपक्षीलाई पछि पारेका छन् । बास्तोलाको १ हजार ५ सय ५७ मत आउँदा एमाले उम्मेदवार देवेन्द्र बास्तोलाको १ हजार २ सय ६८ मत छ ।

खुला सदस्यमा राजेन्द्र बहादुर भट्टराई र जंग बहादुर हमाल ठकुरी, महिला सदस्य तीर्थ कुमारी गुरुङ र दलित महिला सदस्यमा टुकुरा देवी परियार अगाडी छन् ।

११ नम्बर वडाबाट महानगर प्रमुख उपप्रमुखमा पनि काँग्रेस अगाडी छ । काँग्रेस उम्मेदवार रामजी कुवँरको १ हजार ५ सय ३० मत आउँदा एमाले उम्मेदवार मान बहादुर जिसीको १ हजार ३ सय ९९ मत छ । उपप्रमुखमा काँग्रेसकी सरस्वती गुरुङले १ हजार ५ सय ३७ मत ल्याउँदा एमाले उम्मेदवार मञ्जुदेवी गुरुङले १ हजार २ सय ३४ मत पाईन् ।