प्रहरी जवान पदमा भर्ना खुल्यो
16-June-2015

काठमाडौं, असार १–

नेपाल प्रहरीको जवान पदका लागि भर्ना आह्वान गरिएको छ । प्रहरीमा विभिन्न कारणबाट रिक्त रहेको प्रहरी जवान पदमा खुल्ला प्रतियोगिताद्वारा समावेशी प्रावधान अनुसार पूर्ति गर्नुपर्ने भएकोले भर्ना आह्वान गरिएको प्रहरी प्रधान कार्यालयले आज जारी गरेको सुचनामा उल्लेख छ । सुचना अनुसार खुल्ला तर्फ १८४ र आरक्षण तर्फ अमर प्रहरीबाट ७, आदीबासी जनजातीबाट ४८, मधेसीबाट ४२ महिलाबाट ३० दलितबाट २३ तथा पिछपिएको वर्गबाट ८ गरी जम्मा ३४२ जना माग गरिएको छ ।

इच्छुक उम्मेद्धारले आगामी साउन ४ गतेभित्र दरखास्त दिनुपर्ने छ भने दरखास्त फारम पूर्व क्षेत्रीय प्रहरी तालिम केन्द्र, रानी विराटनगर, मध्य क्षेत्रीय प्रहरी तालिम केन्द्र, भरतपुर, पश्चिम क्षेत्रीय प्रहरी तालिम केन्द्र, बुटवल, मध्य पश्चिम क्षेत्रीय प्रहरी तालिम केन्द्र, नेपालगंज , सुदूर पश्चिम क्षेत्रीय प्रहरी तालिम केन्द्र, दिपायल, महानगरीय प्रहरी परिसरहरु काठमाण्डौं, भक्तपुर र ललितपुर र सबै जिल्ला प्रहरी कार्यालयहरुमा पाइने छ । आठ वा सो सरह उत्तीर्ण भई १८ वर्ष उमेर पूरा भई २३ वर्ष ननाघेको योग्य उम्मेदवारले दरखास्त दिन सक्नेछन् ।

 

Source:Ratopati

http://www.ratopati.com/2015/06/16/240964.html