सुदूरपश्चिमको पहिलो सरकारी लगानीको चमेलीया जलविद्युतको आज प्रधानमन्त्री देउवाले उद्घाटन गर्नुहुने
9-February-2018


जकसन डटकम
कैलाली, २७ माघ

राष्ट्रिय गौरबको चमेलिया जलविद्युत आयोजनाको शनिबार औपचारिक उदघाटन गरिदैछ । नेपालको लगानीमा निर्माण सम्पन्न भएको ३० मेगावाटको आयोजना प्रधानमन्त्री शेरबहादुर देउवाले उद्घाटन गर्ने कार्यक्रम छ । आयोजनाको उद्घाटनका लागि प्रधानमन्त्री देउवा सहित ३४ जना बिशिष्ट अतिथी तीनवटा हेलिकोप्टरमा विहान ११ बजे आयोजनास्थल बचाल पुग्ने आयोजना प्रमुख अजयकुमार दाहालले जानकारी दिनुभयो  । 

बैतडी र दार्चुलाको सिमानदी चमेलियामा २०६३ सालको पुसदेखि निर्माण सुरु भएको चमेलिया जलविद्युत आयोजनाले गएको पुसदेखि परीक्षण उत्पादन सुरु गरेको थियो । निर्माण सुरु भएको ठिक ११ वर्षपछि चमेलियाबाट बिजुली उत्पादन सुरु भएको हो । २०६८ सालमा निर्माण सक्ने लक्ष्य राखिएपनि पटकपटक म्याद थप गर्दै ६ वर्ष ढिलो सकिएको हो । निर्माण अवधि बढेसँगै आयोजनाको लागत पनि बढेको छ । साढे ८ अर्ब रुपैयामा निर्माण गरिसक्ने भनिएको आयोजनाको कुल लागत बढेर १६ अर्ब पुगेको आयोजनाले जनाएको छ । 

Write a Comment