पोखरामा संगम कप फुटवल प्रतियोगिता सुरु
16-December-2017


जकसन डटकम
पोखरा, ०२ पुस

पोखरामा छैटौ संस्करणको संगम कप फुटवल प्रतियोगिता २०७४ सुरु भएको छ । पोखरा रंगशालामा भएको प्रतियोगिताको उद्घाटन खेलमा हेमजा युनाईटेड क्लवले विजयी सुरुवात गरेको छ । 

पोखराको संगम क्लवको आयोजनामा सुरु भएको उद्घाटन खेलमा हेमजाले काजिपोखरी एफ.सी.लाई ४–१ को गोल अन्तरले पराजित गरेको हो । हेमजाको जितमा ईश्वर नेपालीले दुई, सुमन सुनार र अस्मित कुवंरले एक एक गोल गरेका हुन। खेलको ३४ औं मिनेटमा सुनारले हेमजाको लागि पहिलो गोल गरे । पहिलो हापमा १–० ले पछि परेको काजीपोखरीले दोश्रो खेलमा आफ्नो खेलको लय पच्छ्याउन नसक्दा हेमजासंग पहिलो खेलबाटै बाहिरिनु परेको हो । खेलको ५१ औं मिनेटमा काजिपोखरीका हेमन्त तामाड्डले एक गोल गरी खेल बराबरीमा पुर्याए पनि तामाङले गोल गरेको ४ मिनेट अर्थात ५५ औं मिनेटमा अस्मित कुवंरले गोल गरी २–१ को अग्रता दिलाए । खेलको ५६ औं मिनेटमा ईश्वर नेपालीले एक गोल गरी जित सुनिस्चित पारे भने खेलको ६७ मिनेटमा पुनः एक गोल गरी गोल अन्तर फराकीलो पारे । 

त्यसै गरी दोश्रो खेलमा आर.टि. सेन्टर विजयी भएको छ । आर..टी.ले हिल प्वाईन्ट स्कुलको टोलीलाई २–० ले परााजित गर्यो । आर.टि. सेन्टरको जितमा खेलको पाचौं मिनेटमा सौगात राना र खेलको ४८ औं मिनेटमा प्रदिप परियारले एक एक गोल गरे । भोलि आइतबार पहिलो चरणकै ४ वटा खेल हुने भएको क्लवका सदस्य धिरज तामाड्डले बताए । 
पुष ७ गतेसम्म पोखरामा संचालन हुने उक्त प्रतियोगिताको उद्घाटन पोखरा लेखनाथ महानगरपालिका वडा नम्बर १३ का वडा अध्यक्ष दर्शन लामाले रेफ्रि सन्तोस गुरुड्डलाई वल हस्तान्तरण गरी गरे । कार्यक्रममा बोल्दै उनले युवाहरुलाइ खेलकुदमा आवद्ध गर्न पनि यस्ता प्रतियोगिता निरन्तर गर्न आग्रह गर्दै आवश्यक सहयोगको लागि आफुहरु तयार भएको जनाए । 

क्लवका अध्यक्ष शिव गुरुङ (माया) को अध्यक्षतामा सम्पन्न भएको उद्घाटन सत्रमा सहारा क्लवका अध्यक्ष केशव बहादुर थापा, नेपाल खेलकुद पत्रकार मञ्च कास्कीका अध्यक्ष केशव पाठक, एभरेष्ट ट्रेड हाउजिड्ड प्रालिका संचालक तिलक गुरुड्ड, प्रतियोगिताका संयोजक खेम गुरुड्ड लगायतले फुटवलको विकासको लागि यस्ता प्रतियोगिता आवश्यक भएकोमा जोड दिएका हुन । 

प्रतियागितामा विभागिय एक टोली सशस्त्र प्रहरी वलको एपिएफ सहित २३ टिमको सहभागिता रहेको छ । प्रतियोगितामा विजेतालाई एक लाख २५ हजार, उपविजेतालाई ६५ हजार नगद सहित ट्रफी, मेडल, प्रमाण–पत्र वितरण गरिने भएको छ । प्रतियोगितामा उत्कृष्ट हुने खेलाडीलाई ७ हजार, प्रतियोगितामा सर्वाधिक गोलकर्ता, उत्कृष्ट गोलरक्षक, उत्कृष्ट डिफेन्स र उत्कृष्ट स्टाईकरलाई जनहि ५÷५ हजार पुरस्कार प्रदान गरिने भएको छ । 

प्रतियोगितालाई सफल पार्न जिल्ला खेलकुद विकास समिति कास्की, पश्चिमाञ्चल क्षेत्रिय खेलकुद विकास समिति, पोखरा लेखनाथ महानगरपालिका कार्यालयको, सहयोग गरेको सचिव शिव नेपालीले बताए । 

Write a Comment