अफगानिस्तानलाई जापानको ८१ लाख अमेरिकी डलर सहयोग
27-August-2018


जक्सन डटकम 
अफगानिस्तान, भदौ ११ 
जापानले अफगानिस्तानलाई ८१ लाख अमेरिकी डलरको सहयोग गरेको छ । सो रकम अफगानिस्तानका आमा र उनीहरुका सन्तानको आधारभूत स्वास्थ्य सेवाको उपचारको सहयोगार्थ दिइएको राष्ट्रसंघीय बालकोष (युनिसेफ)ले सोमबार जारी एक विज्ञप्तिमा जनाएको छ । 
जापान सरकारले अफगनिस्तानमा मातृशिशु स्वास्थ्य कार्यक्रमको लागि युनिसेफमार्फत यो रकम उपलब्ध गराइएको हो । यस सहयोगबाट अफगान आमा र बालबालिकाको स्वास्थ्य, कुपोषण, शुद्ध पानी जस्ता विषयमा ठूलो सहयोग हुने अपेक्षा गरिएको विज्ञप्तिमा उल्लेख छ । 
जापानको यस सहायताबाट अफगानिस्तानका ३४ वटा प्रान्तमा आमा र शिशुको आधारभूत स्वास्थ्य सेवामा सहयोग पुग्नेछ । जापानले गरेको यो पछिल्लो सहयोगमा ५२ लाख आमा र शिशुलाई फाइदा हुने जानकारी दिइएको छ । युनिसेफका अनुसार, २१ लाख गर्भवती र ३१ लाख बालबालिकाले यस सहयोगबाट लाभ उठाउन सक्नेछन् । (रासस -एपी)

 

Write a Comment