एप्पल को कमाइ एक मिनेटमा ३ लाख डलर
10-March-2016

विश्वको दोश्रो धनी कम्पनी तथा सबैभन्दा मूल्यवान ब्राण्डको रुपमा रहेको एप्पलले आम्दानी तथा नाफामा कर्पोरेट जगतमै नयाँ इतिहास कायम गरेको छ ।

यो मात्र होइन, एप्पलले धेरै विधामा नयाँ नयाँ किर्तिमान राख्नुका साथैै विभिन्न रोचक तथ्य तथा सन्दर्भहरु यससँग जोडिएका छन् । एप्पलसँग जोडिएका १० रोचक तथ्य यस्ता छन् :

  • एप्पलले प्रत्येक एक मिनेटमा ३ लाख डलर कमाउँदछ । यो रकम रसियाको पूरै स्टक मार्केटको कारोबार भन्दा पनि बढि हो ।
  • अमेरिकी सरकारसँग जति सम्पत्ति छ त्यो भन्दा बढि एप्पलसँग चालु नगद रहेको छ ।
  • विश्वभरमा गरी एप्पल कम्पनीका कर्मचारीको संख्या ८० हजार रहेको छ ।
  • सम्भाव्यता विश्लेषणका आधारमा एप्पल स्टोरमा जागिर पाउनु भन्दा हार्वर्ड विश्वविद्यालयमा छनोट हुने सम्भावना बढि हुन्छ ।
  • सन् २०१४ को पहिलो त्रैमासिकमा एप्पल एक्लैले गुगल, फेसबुक तथा अमेजन कम्पनीले जम्माजम्मी कमाएको रकम जत्ति नै कमाइ गरेको थियो ।
  • एप्पल कम्प्युटरको नजिक गएर धुम्रपान गर्नाले यसको वारेन्टी सकिन्छ ।
  • आइफोनको हरेक विज्ञापनमा यसको डिस्प्लेमा ९ बजेर ४१ मिनेटको समय देखाइएको हुन्छ । यसको विशेष अर्थ छ । सन् २००७ मा स्टिभ जब्सले पहिलो आइफोन बिहान ९ बजेर ४१ मिनेटमै सार्वजनिक गरेका थिए ।
  • स्टिभ जब्सले पहिलो आइपडको प्रोटोटाइपलाई पानीमा फ्याँकिदिएका थिए । उनले मन नपरेर वा रिसाएर त्यसो गरेका होइनन् । यो डिभाइसलाई अझै बढि कम्प्याक्ट गराउन सकिन्छ की सकिँदैन भन्ने कुरा थाहा पाउन ।
  • तपाइँले Siri मार्फत जे बोल्नुहुन्छ त्यो सबैभन्दा पहिले एप्पलमा पुग्दछ । त्यसलाई विश्लेषण गरेर मात्र स्टोर गरिन्छ ।
  • एप्पल आइप्याडको रेटिना डिस्प्लेको उत्पादन सामसुंगले गर्दै आएको छ । यो आइप्याडको सबैभन्दा महंगो पार्टस् हो ।