उम्लेको पानीमा चोपलेर सौतेलो छोराको हत्या
24-March-2016

कतिपय मानिस कतिसम्म क्रुर तथा निर्दयी हुन्छन् भन्ने उदाहरण एक अमेरिकी महिलाले पेश गरेकी छिन् । आफ्नी सौतेनी आमाले उम्लेको पानीमा डुबाउँदा अमेरिकामा एक जना बालकको ज्यान गएको छ ।

अमेरिकाको ओहियोमा यो घटना भएको छ । २५ वर्षकी एन्न रिची नामकी महिलाले सौतेलो छोरा अस्टिन कूपरलाई तातो पानीमा डुबाएर हत्या गरेको खुलासा भएको छ । आफ्नो छोरा सास बन्द भएको अवस्थामा फेला परेको भन्दै उनले प्रहरीलाई खबर गरेकी थिइन् ।

अघिल्लो साँझ उनले आफ्नो सौतेलो छोरा कूपरलाई सजायँ दिँदै उसको खुट्टा उम्लेको पानीमा चोपलिदिएर ओछ्यानमा पल्टाइदिएकी थिइन् । तर अर्को बिहान उठ्दा छोरा मरिसकेको थियो । तातो पानीमा चोपल्दा बालकलाई गम्भीर चोट लागेको कुरा आफुलाई हेक्का नरहेको उनले पुलिससँग बताइन् ।

उनलाई बालहत्यामा प्रहरीले पक्रिएको छ । घटनाको थप छानविन तथा बच्चाको अटोप्सी भैरहेको बताइएको छ ।

Events
Random Picks