११ करोडको कुकुर !
11-December-2016

आयरल्याण्डको पुलिसले एक शिकारी कुकुर (ग्रेहाउन्ड) को चोरीको विषयमा चार मानिसलाई पक्राउ गरेको छ ।

यो कुकुरको मूल्य १० लाख युरो अर्थात ११ करोड बढि नेपाली रुपैयाँ ।

क्लेयर्स रकेट नामको यो शिकारी कुकुर आफ्नो प्रशिक्षकसँग भएका बेला टिपरेरी काउन्टीमा गोल्डेन भन्ने ठाउँबाट हराएको थियो ।

सन् १९८३ मा एउटा रेसको घोडा शेरगरको चोरी गरिएको थियो । क्लेयर्सको चोरीलाई पनि त्यति घटनासँग तुलना गरिएको छ ।

क्लेयर्सलाई सुरक्षित र ठिक स्थितीमा फेला पारेको पुलिसले जानकारी दिएको छ ।

खुफिया विभागले यस विषयमा संलग्न भएको आशंकामा टिपरेरी गार्डामा दुईजनासँग सोधपुछ गरिरहेको छ । अर्का दुई संदिग्धलाई क्लोनमेल गार्डाको पुलिस चौकीमा सोधपुछ गरिएको छ ।

शिकारी कुकुरका जानकार इयन फच्र्यूनका अनुसार रोकेटलाई ग्रेहाउन्ड रेसिङ्मा ‘सुपरस्टार’ मानिन्छ ।

उनले भने, ‘उक्त कुकुर भेट्टाउने व्यक्तिलाई ५४ हजार यूरो पुरस्कार तोकिएको थियो । दुई वर्षको उक्त कुकुरलाई सकुशल भट्टाइएको छ ।’

द रेसिङ पोष्टका अनुसार क्लेयर्स रकेट यो वर्षको सबैभन्दा तिब्र दौडनसक्ने क्षमता भएको उत्कृष्ट ग्रेहाउन्ड हो ।

उक्त कुकुरले काउन्टीको ग्राहम होल्याडमा तालिम लिएको हो ।

Events
Random Picks