मनोरन्जनमनोरन्जन समाचार

फिल्म छायाँकन सुचारु गर्न अनुमती दिदैं सरकार

नेपाल सरकारले फिल्म छायांकन (सुटिङ)को अनुमती दिने भएको छ । हल व्यवसायीले एकतर्फी रुपमा हल खोल्ने निर्णय गरेको भोलिपल्ट नै सरकारले फिल्म सुटिङको अनुमति दिने निर्णय गरेको हो ।

विगत ९ महिनादेखि ठप्प भएको नेपाली फिल्म छायांकन खुला गर्ने सिसिएमसीको प्रस्तावलाई अनुमोदन गर्दै सरकारले मंगलबारको मन्त्रीपरिषद् बैठकमा सुटिङ सुचारु गर्ने प्रस्ताव पारित गरेको हो । सरकारले यो निर्णय सार्वजनिक भने गरिसकेको छैन । सोमबार मात्र हल व्यवसायीले पुस १० गतेबाट हल खोल्ने निर्णय गरेका थिए ।

सरकारले चैतको दोस्रोहप्तादेखि नै फिल्म, म्युजिक भिडियो तथा अन्य प्रकारका सुटिङ बन्द गर्ने निर्णय गरेको थियो । तर, सरकारको आदेशको अवज्ञा गर्दै फिल्म तथा म्युजिक भिडियोको सुटिङ चलिरहेको थियो । पहिलो लकडाउन खुकुलो भएसँगै म्युजिक भिडियो सुटिङले गति लिएको थियो ।

तर, सरकारबाट औपचारिक निर्णय नहुँदा कथानक फिल्म भने अगाडि बढ्न सकेका थिएनन् । सुटिङको तयारीमा रहेका थुप्रै फिल्म सरकारको औपचारिक निर्णयको प्रतीक्षामा थिए । सरकारले सुटिङ खोल्ने निर्णय गरे नयाँ फिल्म सुटिङमा निस्किहाल्ने भने छैनन् । पुस र माघमा अत्यधिक जाडो हुने कारण फागुनबाट मात्र सुटिङका काम सुरु हुने गरेका छन् ।

सम्बन्धित खबर

Close