लाईफ स्टाईलस्वास्थ्य

आफूले बनाएको औषधीले ७ दिनमा कोरोनाको बिरामीलाई निको पार्ने रामदेवको दाबी

योगगुरू रामदेवले कोरोनाको उपचार गर्ने दाबी गर्दै आयुर्वेदिक औषधी ल्याएका छन्।

मंगलबार पतन्जली योगपिठले हरिद्वारमा गरेको एक कार्यक्रममा रामदेवले कोरोनिल ट्याबलेट र श्वासरी बटी नामका दुई औषधी सार्वजनिक गरेका हुन । यो औषधीले कोभिड-१९ का बिरामी निको हुने कम्पनीको दाबी छ।

क्लिनिकल ट्रायलका क्रममा दुबै औषधीले बिरामीलाई सतप्रतिशत सकारात्मक प्रभाव पारेको कम्पनीले बताएको छ।

पतन्जली रिसर्च सेन्टर र नेशनल इन्स्टिच्युट अफ मेडिकल साइन्सेज जयपुरको साझा प्रयासबाट औषधी तयार गरिएको हो।

यी औषधी तीनदेखि सात दिनसम्म खाए बिरामी पूर्ण निको हुने रामदेवले दाबी गरेका छन्। ६९ प्रतिशत बिरामी तीन दिनमा र सात दिनमा सत प्रतिशत बिरामी निको हुने उनको दाबी रहेको छ।

रामदेवले कोभिड- १९ निको हुन्छ भनेर दाबी गरिएको औषधीको ट्रायलमा २८० बिरामी सहभागी थिए। उनीहरू सबै यो औषधी खाएर निको भएको बताइएको छ।

रामदेवले औषधी दिनुभन्दा पहिला बिरामीको पूर्वस्वीकृति लिएको बताए।

भारत सरकारले रामदेवको औषधीलाई औपचारिक रूपमा मान्यता दिने निर्णय गरिसकेको छैन।

सन् २०१९ को डिसेम्बरबाट चीनको वुहानदेखि फैलिएको कोभिड-१९ को महामारीबाट अहिलेसम्म ९२ लाख मानिसहरू संक्रमित भएका छन् भने चार लाख ७४ हजारको मृत्यु भएको छ।

संसारभरका वैज्ञानिकहरू कोरोना भाइरस विरूद्धको भ्याक्सिन र औषधी बनाउन जुटेका छन् तर सफलता मिलिसकेको छैन।

यसअघि बेलायती अनुसन्धानकर्ताहरूले सस्तो र व्यापक रूपमा पाइने ‘डेक्सामिथासोन स्टेरोयड’ ले भेन्टिलेटर वा अक्सिजनको सहायतामा बसेका कोरोना संक्रमित बिरामीहरूको मृत्युदर एकतिहाइ घटेको दाबी गरेका थिए।

एजेन्सी

सम्बन्धित खबर

यो पनि पढ्नुहोस
Close
Close